Martxoko aipagarriak

URRAKETAK:

» Gipuzkoako Brico Depot dendako kutxa automatikoak ez daude euskaraz.

» Espainiako Gobernuaren Erregistro Zentraleko DICIREG programan euskara erabat traketsa da, eta, ondorioz, erregistroak euskaraz egiteko zailtasunak daude.

» EAEko Hezkuntza Saileko irakasle ez diren langileen sailetik zentroetara gaztelaniaz deitzen dutela salatu dute.

» Donostiako epaitegitik gaztelania hutsean jaso du herritarrak ebazpena.

» Nafarroako Gobernuaren kanpainak gaztelaniaz diseinatu eta, ostean, euskarazko itzulpen ezegokiak egiten direla salatu dute.

» Euskadiko UGTk sare sozialetan argitaratutako afixak lerroburua soilik du euskaraz, eta trakets ezarri diote.

» Nafarroako Foruzaingoko 8 lanposturako deialdian euskararen ezagutza merezimendu ere ez da izan; atzerriko hizkuntza bakoitzak, aldiz, 5 puntu balio ditu.

» Portugaleteko alkateak Emakumeen Nazioarteko Egunean ikastetxeekin antolatutako ekimenean gaztelania soilik erabili zuen.

» EAEko ikastetxeetako gurasoen bilera batzuetan gaztelania hutsa erabiltzen jarraitzen dute.

» Nafarroako Museoan ez dute euskarazko arreta bermatzen.

» Ehiza armen baimena lortzeko nortasun-testa ez dago euskaraz homologatuta.

» Leioako Eroski hipermerkatuan euskararekiko begirune gutxi dagoela salatu dute.

» Usurbilgo Correos-en gaztelaniaz egiteko eskatzen diete herritarrei.

» Euskal Argia eta Gasa konpainian, bezeroak euskaraz artatua izan nahi duela adierazi arren, hurrengo egunera arte ezingo dutela euskaraz artatu erantzun diote gaztelaniaz.

» Eusko Jaurlaritzan galdera egin du herritarrak euskaraz, eta gaztelaniaz erantzun diote.

» Iruñeko Udalaren Emakumeen Etxeak antolatutako 45 jardueretatik 3tan soilik izan du euskarak nolabaiteko presentzia (gaztelania-euskara jarduera elebidunak).

» Kontsumobideren webgunean kontsulta aurkezteko produktu- edo zerbitzu-motak gaztelaniaz baino ez dira azaltzen, euskara aukeratua izan arren.

» Bilboko udaltzain batek herritarra gaztelaniaz egitera behartu nahi izan du: “Quiero que hable conmigo y en castellano”.

» Erandioko Udalak hondakinak jasotzeko egutegia gaztelania hutsean banatu du.

» Osakidetzaren zerbitzuak kudeatzen dituen Ambulancias Gipuzkoak ez du euskarazko arreta bermatzen.

 

ZORIONTZEAK:

» Iruñeko Toki Eder tabernari, euskaraz artatzeagatik eta bezero guztiak euskaraz agurtzeagatik.

» Barakaldoko Bolsos Azkona dendari, euskaraz artatzeagatik eta euskaraz erosteagatik eskerrak eman dizkiolako bezeroari.

» Izarpe kanpinari, euskarazko arreta eskaini eta karta euskaraz izateagatik.

» Antsoaingo El Txarko tabernari, euskaraz artatzeagatik.

 

LORPENAK:

» Osakidetzako profesionalentzako “Ospitalean aldi baterako ezintasuna preskribatzea” izeneko ikastaroa euskaraz eskainiko da.

» Iruñeko hizkuntza eskolako web-orrian matrikulazioa euskaraz egin ahal izateko neurriak hartuko dira.

» Kutxabank-ek bulegoetan ezarritako gaztelaniazko hainbat ohar aldatu ditu.

» Gipuzkoako Foru Aldundiak Telegram kanaleko mezuetan zuzenketak egin eta euskarari lehentasuna emango dio.

» Osakidetzak neurriak hartu ditu Arabako ESIan profesionalei jakinarazteko herritarrei euskarazko informazio eta dokumentazioa bermatu behar zaiela.

» EAEko hauteskunde mahaitik helarazitako gaztelaniazko mezua zuzendu eta dokumentua ele bitan helarazi zaio herritarrari.