Abenduko aipagarrienak

URRAKETAK

» Telefónica enpresaren Bilboko denda batean langileak “ni sé euskera ni lo quiero saber” erantzun zion bezero bati.

» Gasteizko Udaleko Turismo Sailetik eskaintzen diren 20 bisita gidatuetatik bakarra dela euskaraz salatu dute (familientzat dena).

» Ertzaintzaren Bilboko eta Bergarako komisaldegietan gaztelaniaz egiteko eskatu diete herritarrei.

» Herritar batek salatu du ETB2ko saio batetarako ez diotela utzi euskara erabiltzen. Erdaraz egitea lehenetsi omen, "erreportai guztia ondo koadratzeko".

» Durangoko udaltzain batek “espainolez” egiteko eskatu zien herritar biri behin baino gehiagotan eta euskaraz dakien inor dagoen galdetuta ere ”espainolez” egiteko eskatu zien.

» Nafarroako Gobernuko Unibertsitate, Berrikuntza eta Eraldaketa Digitalerako Departamentuak gaztelania hutsean bidali die urte bukaerako mezua langileei.

» Donostiako jatetxe batean “no me interesa aprender euskera” erantzun diote bezero bati.

» Gasteizko Udalaren kultur ikastaroen programan 10 ikastarotatik 2 soilik dira euskaraz.

» Euskaltelen arreta euskaraz jasotzeko arazoak izan ditu herritar batek.

» Barakaldoko Media Market dendan kartel zein txanda hartzeko pantailetan ez dago euskarazko mezurik.

» Leioako Artea Merkataritza Gunearen webgunean euskara hautatu arren Gabonetako ekintzen informazio guztia gaztelaniaz agertzen da.

» Donostiako Gabonetako norian txartelak ezin zirela euskaraz erosi salatu dute.

» Lego enpresak iragarki guztiak gaztelaniaz jarri ditu Bilbon.

» Osakidetzako espezializazioetan herritarren hizkuntza hautua errespetatu gabe jarraitzen dute.

»  “bilbaoDendak” merkataritza elkarteak kartelak gaztelania hutsean atera ditu.

» Iberdrolak intzidentzia eta matxuren mezuak gaztelaniaz bidali ditu.

» Arabako Foru Aldundiak hainbat lan-deialdi egin ditu euskararen nahitaezko ezagutzarik gabe bete daitezkeenak.

» Portugaleteko Ballonti merkataritza-gunearen webguneak ez du euskara hautatzeko aukerarik eskaintzen.

» Gizarte Segurantzak Nafarroan ofiziala den eremura ere mezuak gaztelania hutsean bidaltzen ditu.

» Euskal Herriko Notarioen Elkargoko Donostiako bulegoan karteldegi guztia gaztelania hutsez dute, eta mezu elektronikoak ere gaztelaniaz bidaltzen dituztela salatu dute.

» Osakidetzaren Bilboko zentroetan haurdunaldiko saioak euskaraz eskaintzen dituen osasun etxe bakarra dagoela salatu dute.

» Osasunbideara deitzerakoan "en euskera no, en español" erantzun diote paziente bati.

» Udal ezberdinetan kartel eta seinalitika gaztelaniaz ezartzen jarraitzen dute.

 

ZORIONTZEAK

» Bilboko Jazminos jatetxeari, webgunea euskaraz ere baduelako.

» Iruñeko KRACK zapata-dendari, arreta euskaraz eskaintzeagatik.

» Lermako (Burgos) Noel bizkotxoei, etiketetan informazioa euskaraz dagoelako.

» Iruñeko Mendillorri auzoko Juanarena estankoari, euskaraz artatzeagatik.

» Donostiako Botanika jatetxeari, arreta euskaraz eskaintzeagatik (baina webgunea euskaratzeko eskatu zaie).

 

LORPENAK

» Galdakaoko Udalak  Euskadiko Feria-saltzaile Autonomoen Elkarteari hizkuntza eskubideak bermatu ezean etorkizunean barraken instalazioa mugatu edo ukatu dezakeela jakinarazi dio.

» “Pueblos VIVID Herriak” deitutako ekimenak euskaraz ere ezarri du bere webgunea.

» Bilboko DGTk informazio paneletan euskara txertatuko du.

»  Sestao Berri sozietate publikoak gaztelania hutsean jarritako kartelak zuzendu eta euskaraz ere ezartzeko neurriak hartu ditu.