Maiatzeko aipagarrienak

URRAKETAK 

» Euskal Hiri Elkargoko harrera zerbitzua frantsesez eskaintzen da, baina euskaraz ez (arreta, komunikazio euskarriak…).

» Bizkaiko Foru Aldundiak errenta aitorpenerako mezuak eta oharrak gaztelaniaz helarazi ditu, eta ez du uneoro euskarazko arreta bermatzen.

» Udaltzaingo eta Ertzaintzarako lan-deialdien proba psikoteknikoak gaztelaniaz egin behar dira, euskarazkoak ez daudelako homologatuak.

» Nafarroako Ogasunean euskarazko arreta telefonikoa ez da uneoro bermatzen.

» Gipuzkoako Foru Aldundiak antolatutako Crossovers Series jaialdian, 14 saiotatik 2 euskaraz.

» Baionako Herriko Etxeak, herritarrentzako informazioa frantses hutsean helarazi du.

» Decathlon enpresak denda batzuetan ez du euskara kontuan hartzen bezeroei ohar eta informazioa zabaltzerakoan.

» Iruñeko Udalaren webgunean ez dago eduki guztia euskaraz.

» Ostalaritzako hainbat negoziotan mezu eta oharrak gaztelaniaz, frantsesez edo ingelesez jartzen jarraitzen da, baina euskaraz ez.

» Euskotreneko segurtasun zerbitzuetan ez da euskarazko arretarik bermatzen.

» Berako liburutegian ez da euskarazko arreta bermatzen.

» Nafarroako hainbat osasun etxetan gaztelania hutsezko orri eta informazioa banatzen da herritarrentzat.

» Osakidetzan euskarazko arretarik bermatzen ez dela esanez hainbat kexa jaso dira.

» Nafarroako Gobernuko webgune ezberdinetan informazioa eskuratzeko gaztelaniara jo behar da eta Gazteriaren Institututik gutunak gaztelania hutsean bidali zaizkie gaztetxoei.

» Telefono konpainiek publizitatea erdara hutsean zabaltzen jarraitzen dute.

 

ZORIONTZEAK/ESKER ONAK

» Plazaolako Orhy, Txantreako Malatesta, Durangoko Momotxo eta Donostiako The Morgan jatetxe eta tabernei, euskarazko arreta eskaintzeagatik eta euskarazko prentsa izateagatik.

» Iruñeko Artika auzoko gasolindegiari, euskaraz artatzeagatik.

 

LORPENAK

» Zerga Administrazioko Espainiako Agentzia aurrerantzean bere webgunean euskarazko aukera bermatzeko neurriak hartzera konprometitu da.

» Odol emaileen web orriaren sakeleko bertsioa euskaraz erabili daiteke.

» Hernaniko eraikin publiko bateko segurtasun neurriak euskaraz jarri dira.

» Eroski gasolindegietako tiketetan informazio guztia euskaraz eskaintzeko neurriak hartuko dira.

» Osasunbideak hurrengo egokitzapen informatikoetan SMS bidezko komunikazioetan euskara txertatzeko asmoa erakutsi du.