Otsaileko aipagarrienak

URRAKETAK

» Hondarribiako Udalak euskaraz ere eskuragarri dagoen antzerki saio bat gaztelaniaz eskaini zuen.

» Bilboko La Union autobusen leihatilan ez da euskarazko arreta bermatzen.    

» Gasteizko Udaltzaingora deitu eta euskarazko arreta eskatuta, gaztelaniaz egiteko eskatu diote herritar bati.

» Artea merkataritza-guneko hainbat dendetan hizkuntza-paisaia osoa gaztelaniaz dago.

» Euskadiko eta Nafarroako dantza moderno eta hiri-dantza lehiaketako webgunea gaztelania hutsean dago.

» Bizkaiko Foru Aldundiak euskararik ez dakien medikua bidali dio balorazioa egitera mendekotasunaren balorazioa euskaraz nahi zuela adierazita zuen familia bati.      

» Iruñeko Udaleko babes-zibileko laguntzaile izateko lan-deialdian ingelesa nahitaezkoa izan da; euskara, merezimendua soilik.      

» Yoigo konpainiak ez du euskarazko telefono arretarik eskaintzen.       

» Bilboko epaitegietako sarrerako ertzainak gaztelaniaz erantzuten dio euskaraz hitz egin nahi zuen herritarrari.

» Urbil merkataritza-guneko JYSK dendan, errotulu guztiak gaztelania hutsean daude.

» Espainiako Gobernuaren Gasteizko ordezkaritzan ez da euskarazko telefono arreta bermatzen.

» Deustuko Unibertsitateko Doktoretza eskoletako ikastaroak bete izana ziurtatzen duten ziurtagiriak ingelesez eta gazteleraz idatzita daude; euskaraz ez.

» Barakaldoko Udalak "Hurbiletik" izeneko azken aldizkaria ia oso-osorik gaztelania hutsean argitaratu du.

» Gasteizen Salburuko Osasun Zentroan Osakidetzak ez ditu erditze aurreko ikastaroak euskaraz eskaintzen.

» Nafarroako haurreskoletako oposizio-deialdietarako materiala gaztelania hutsean dago; euskaraz ez dago ezer.

» Euskatel enpresaren arreta zerbitzua euskaraz ez bermatzeagatik hainbat kexa izan dira.

» Osakidetzak euskarazko arreta eskatua duten erabiltzaile ezberdinei ez die euskarazko arreta bermatu.

 

ZORIONTZEAK

» Gasteizko Bode jatetxeari, menua, prentsa eta arreta euskaraz eskaintzeagatik.

» Sarrigurengo Plaza Nagusiko botikari, arreta euskaraz emateagatik.

» Donostiako Fermin Calbeton jatetxeari, menuan lehentasuna euskarari emateagatik.

» Bilboko Unamuno Plazako farmaziari, arreta euskaraz eskaintzeagatik.

» Gasteizko Cuarto de Kilo Granel dendari, euskarazko arreta eskaintzeagatik.

» Deustuko Nailan Parquets-eko langileei, idatziz zein ahoz euskarazko arreta eskaintzeagatik.

             

LORPENAK

» Sparta Sport gimnasio enpresak Irungo zentroaren hizkuntza-paisaia euskaraz ere ezarri du.

» Garberako Eroskin txanda hartzeko makinak euskaraz lehenetsi dituzte.

» Cumenor enpresak informazioa euskaraz ere zabaldu du.