Ekaineko aipagarrienak

URRAKETAK

» Herritar batek telefono konpainia baten izenean irainak jaso ditu deiari euskaraz erantzuteagatik.

» Streaming plataformetan euskarara itzulita dauden filmak ez dira euskaraz eskaintzen.

» Tolosaldeko ESIan euskarazko arreta nahi dutela adierazita duten herritarrek espezialitate ezberdinetan ezin izan dute euskarazko arreta jaso.

» Arabako Foru Aldundian errenta aitorpenaren gestioak edo aholkularitza euskaraz jasotzeko zailtasunak izan dituztela salatu dute.

» Nafarroan D ereduko ikastetxean bullyingaren kontrako hitzaldia gaztelaniaz eskaini dute Foruzaingoko agenteek. Ikasle euskaldunei zuzendua zen eta, agenteetako bat euskalduna baldin bazen ere, hitzaldi guztia gaztelaniaz izan zen.

» Donostiako Belartzako Decathlonen karteldegi guztia gaztelaniaz zegoela salatu du herritar batek.

» Bilboko Udalaren kiroldegietan euskarak duen presentzia urria salatu dute.

» Odol-emailearen Nazioarteko Egunagatik Osakidetzaren Transfusio eta Giza Ehunen Euskal Zentroak agiriak gaztelania hutsean bidali dizkie odol-emaileei.

» Eusko Jaurlaritzako Hezkuntza Saileko zenbait idatziren euskarazko bertsioetan akats eta ulertu ezin diren esaldiak daudela salatu dute.

 » Donostiako Udaltzaingoaren komisaldegian "Salaketa bat jartzera gatoz" esan eta harrerako udaltzainak "Mal empezamos. Si no me hablas en castellano, no nos vamos a entender" erantzun dio herritarrari.

» SEPEren webgunearen euskarazko bertsioan tramite batzuk egiterakoan itzulpena ulertezina da eta herritarrek gaztelaniaz egin behar izaten dituzte.

 

ZORIONTZEAK

» Biotzariko El Dolmen de Faulo obradoreari, euskaraz artatzeagatik.

» Durangoko Momotxo tabernari, tabernaria jatorriz kanpotarra izanik ere euskara lehenesteko egiten duen hautuagatik.

 

LORPENAK

» Zizur Nagusiko udal musika eskolatik familiei bidalitako gonbidapena zuzendu eta euskaraz ere bidali dute.

» Gipuzkoako Foru Aldundiaren informatika zerbitzutik neurriak hartu dira Donostiako kale izendegiaren eguneraketa egin eta euskarazko izenak ezartzeko.

» Osakidetzako hainbat kartel zuzendu eta euskaraz jarri dira.

» Galdakaoko Udalak gaztelaniaz ezarritako bide-seinaleak zuzendu ditu.

» Eroski supermerkatuetan gaztelania hutsean ezarritako hainbat kartel zuzendu eta euskaraz ere jarri dituzte.