Urriko aipagarrienak

URRAKETAK

» Senpereko Herriko Etxeak euskaraz luzatutako aurrekontua frantsesez aurkeztu behar duela erantzun dio herritar bati.

» Nafarroako Merkataritza Erregistroan dokumentuak gaztelaniaz erregistratu behar dituela esan zaio enpresa bati eta erabaki hori errekurritu nahi badu urte bete itxaron beharko diola ebazpenari.

» Kutxabank Aseguruek telefonoz eskaintzen duten arretan ez da euskarazko arreta behar bezala bermatzen.

» Belateko portuan gaztelania hutsean ezarri dute seinaletika.

» Amazonek ez du euskarazko arreta ez mezurik onartzen eta beste hizkuntza batean idazteko eskatzen die bezeroei.

» Nafarroako Gobernuak euskararen ezagutza baloratu ere egin gabe deialdi publikoak egiten jarraitzen du.

» Euskal Eskubaloi Federazioaren euskarazko webgunean eduki asko gaztelaniaz daude.

» Osasunbidean ez dutela txosten klinikoa euskaraz jaso salatu dute.

» Bizkaia Zubiko pantailetako oharrak gaztelaniaz edo ingelesez daude, euskaraz ez.

» Decathlonek Belartzan duen dendan karteldegia gaztelania hutsean jarri du eta euskaraz ezarri beharra inposiziotzat jo du.

» Lizarrako García Orcoyen Ospitaleko hizkuntza paisaian euskarari ematen zaion toki urria salatu da.

» BECen antolatutako Egurtek ekimenean hitzaldi guztiak gaztelaniaz izan dira bertoko profesionalak ere gaztelania erabiltzera bideratu dituztelako.

» Lanbideko inkesta bat egiteko gaztelaniaz egin dizkiete deiak herritarrei.

» Donostiako Hiru Hondartzetako Krosaren aurtengo kamiseta gaztelania hutsean zegoela salatu dute (aurreko urtekoa elebiduna zen).

» Lidl enpresak Zarauzko supermerkatu berriaren iragarki liburua gaztelania hutsean zabaldu du.

» Hernaniko Ertzain Etxera deituta gaztelaniaz egiteko eskatu zaio herritarrari.

» Renfek Gasteiz-Iruñea ibilbideko trenean mezu eta ohar guztiak gaztelaniaz eman ditu.

» Pasai San Pedroko osasun etxeko harreran gaztelaniaz egin behar izana salatu dute herritarrek.

» Zarauzko pediatrak ez dakiela euskaraz eta ondorioz ez duela euskarazko arretarik eskaintzen salatu dute.

» Basauriko osasun etxeko larrialdietan ezin izan dutela arreta euskaraz jaso salatu du herritar batek.

» Herritar batek Ertzaintzako agente bati euskaraz artatzeko eskatzeagatik albo-kalte ondorioak jasan dituela salatu du.

» SADE zinemen webgunea ez dago euskaraz.

 

ZORIONTZEAK

» Bilboko La Taberna de Zarateko zerbitzariak euskaraz artatzeko ahalegina eta jarrera aktiboa izateagatik. Karteldegia eta webgunea euskaraz jartzera animatu ditu herritarrak.

» Gasteizko Aupa Tabernari, zerbitzari guztiek euskaraz artatzen dutelako. Karteldegia eta sare sozialak euskaraz jartzera animatu ditu herritarrak.

» Antsoaingo igerilekuetako tabernari, euskarazko arreta eskaintzeagatik.

» Bilboko Alde Zaharreko Emeki Kafeak-i, euskaraz artatzeagatik.

 

LORPENAK

» Forum Sportek bezeroei emailez bidalitako informazioa euskaraz ere ezartzeko neurriak hartuko dituela esan du.

» Ziordiako Galp gasolindegiak euskara txertatzen duen karteldegi berria eskatu du.

» Dentieder klinikak bezeroei whatsapp mezuak euskaraz bidaltzeko neurriak hartu ditu.

» Bizkaiko Foru Aldundiaren Olabe laguntza zentroan euskararen ezagutza duen atezaina ezarri dute.

» Izabako mezu-panel aldakorretan euskarazko mezuak txertatu ditu Nafarroako Gobernuak.

» Gasteizko autokarabanen eremuko jarraibideak euskaraz ezarri dira.

» Bilbo-Basurtuko ESIak aurreko hilabetean kexa agertu zuen herritarrari arreta psikologikoa euskaraz eskaini dio.