Urtarrileko aipagarrienak

URRAKETAK

» Osasunbideak herritarrak euskaraz abiatutako erreklamazioari gaztelania hutsean erantzun dio.

» Errenteriako Lartzabal osasun-etxean (Osakidetza) herritar batek ezin izan du urologoarekin kontsulta euskaraz pasatu.

» Osakidetzak Aulestia eta Gasteizko Aranbizkarrako osasun-etxeetan, euskarazko arreta eskatuta izan arren ez duela eskubidea bermatzen salatu dute herritarrek.

» Oñatiko osasun-etxean eta Egiakoan ez zela arreta euskaraz eskaintzen duen pediatrarik salatu dute.

» Zallako osasun-etxeko dermatologia sailean ez dute euskarazko arreta bermatu.

» Iberdrola enpresak hainbat prentsa euskarritan iragarkiak gaztelania hutsean ezartzen jarraitzen du, lege betebeharrak izan arren.

» Antsoaingo Laboral Kutxaren bulegoan herritarrari gaztelaniaz egiteko eskatu diote.

» BBK Azokaren webgunean euskara hautatu arren, online erosketako hainbat mezu gaztelaniaz agertzen dira.

» Eustaten inkesta bati buruzko zalantzak argitzeko ez da euskarazko telefono arreta bermatu langileak ez zekielako euskaraz.

» Gipuzkoako Gurutze Gorriak egindako telefono deian herritar batek ezin izan du euskaraz aritu.

» Iruñeko udaltzain agente izateko lan-deialdiko 5 lanpostuetan ez da euskararen ezagutzarik behar izan.

» Ortuellako tren geltokia berritzeko lanetako kartelak gaztelaniaz jarri dira.

» Irungo Sparta Sport Centerrek iragarki eta propaganda orria erdara hutsean ezartzen du.

» Barakaldoko Udalaren 2026ko Arte Eszenikoen Egitarauan eskaintzen diren 7 ikuskizunetik 2 baino ez dira euskaraz.

» Tuterako ospitalean seinaletika berri guztia gaztelania hutsean jarri dute.

» Herritar batek ezin izan du psikoteknikoko proben arreta euskaraz jaso.

» Herri ezberdinetan, obra zein bestelakoengatik jarritako kartel eta seinaleak gaztelaniaz jarri dituzte.

» Supermerkatu ezberdinetan arreta ezin dela euskaraz jaso salatzen jarraitzen dute.

 

ZORIONTZEAK

» Getxoko Igeldo Burdingintza dendari, arreta eta zerbitzuak euskaraz eskaintzeagatik.

» Iruñeko Caudal Iturgintzari, arreta euskaraz emateagatik.

» Arbizuko Olatzea Hoteleko langileari, etorri berria izanik, bezeroekin euskaraz aritzeko erakusten duen prestutasunagatik.

 

LORPENAK

» ETBko saio bateko ekoiztetxeak aurrerantzean galdetegiak euskaraz bidaliko ditu.

» Bardozeko Foyer de Bardos elkarteak sare sozialetatik inauterietako kartela euskaraz ere zabalduko duela agindu du.

» Eusko Jaurlaritzak Aralarko baliabideak antolatzeko planaren dokumentua euskaraz ere jarri du eskuragarri.