Uztaileko aipagarrienak

KEXAK

» Bezeroak komunikazioak euskaraz nahi dituela adierazita izan arren, EUSKALTELen izenean egindako deietan ez dute euskarazko arreta eskaintzen.

» Baionako festen egitaraua eta webgunea ezin dira euskaraz kontsultatu.

» Nafarroako BM denden email eta sms mezuak gaztelaniaz helarazten zaizkie bezeroei, euskara hautatua izan arren.

» DEPORTIVO ALAVES futbol taldearen euskarazko twitter kontuan ez da informazio guztia euskaraz ematen.

» BBK Live jaialdiaren milaka edalontzitan hainbat hizkuntzatan ageri da mezua. Bada, gaztelaniazko leloa nagusitzen da tamainan, eta euskarazkoa atzerriko hizkuntzen pare jartzeaz gain, oso trakets eta era zabarrean agertzen da.

» Tuterako Hizkuntza Eskolan euskarazko taldeak 6tik 3ra murriztuko ditu Nafarroako Gobernuak.

» RENFEk Bilbon ez du euskarazko arreta bermatzen.

» Estatuko erregistro elektronikoan euskarazko aukera dagoen arren, orrialdea gaztelaniaz mantentzen da eta dena gaztelaniaz bideratzen da.

» “Gasteiz on” merkataritza elkarteak gaztelania hutsean zabaldu die gutuna herritarrei.

» Iruñeko Udaleko igerileku publikoetan ez dago ia euskararen presentziarik (karteldegia, megafoniako mezuak…) eta haurrentzako udako igeriketa-ikastaro denak gaztelaniaz egingo dira.

» LANBIDEren lan-eskaintzak guztiz ulergaitzak dira euskarazko webgunean.

» FNACek ez ditu karteldegi eta bestelako euskarrietan bezeroen hizkuntza-eskubideak kontuan hartzen.

» Hainbat hegaldi-konpainiek ez dute euskara kontuan hartzen informazioa hizkuntza ezberdinetan eskaintzerakoan.

» OSAKIDETZAko arreta-zerbitzu batzuetan ez da behar bezala bermatzen gaixoaren euskarazko hizkuntza-hautua.
 

ZORIONTZEAK

» Orioko Boga-Boga taberna, euskarazko arreta eskaintzeagatik.

» Durangoko Muga taberna, bezeroentzako euskarazko prentsa izateagatik.

» Landetako Reasol-Levieux kanpina, erreserba euskaraz egin ahal izateagatik.

» Artiach gailetak, Sanferminetako iragarkian euskara txertatzeagatik.

» Aiarako Adigrafik enpresa, zerbitzu guztiak eta webgunea euskaraz izateagatik.

» Basauriko Arrate decoración enpresa, arreta eta webgunea euskaraz izateagatik.

 

LORPENAK

» Eroskik ohartarazpenak bidali ditu Euskal Herrian dituen gasolindegi guztietara, karteldegia hizkuntza ofizialetan jarri behar dutela jakinarazteko.

» Zurich aseguru-etxeak polizak euskaraz jasotzeko aukera jarri du.

» Hainbat udalek euskarazko kartelak jarri edo traketsak zuzentzeko neurriak hartu dituzte.

» Nafarroako Gobernuaren kultura, kirola eta aisia sustatzeko kanpainako euskarazko mezu traketsak zuzenduko dituzte

» Irungo anbulatorioan ordezko profesionalei prestaketa ematen hasi dira euskaraz egiteko gai izan daitezen.