Urriko aipagarrienak

URRAKETAK:

» Barakaldoko Clara Campoamor kultur-etxean kartel berri guztiak gaztelaniaz jarri dira eta euskaraz artatzeko ezintasun nabarmenak daude.

» Eusko Jaurlaritzak hezkuntzako oposaketetako tribunala osatu dutenei eskainitako formakuntza eta material gehiena gaztelaniaz izan zen.

» Osakidetzak euskararen ezagutzarik ez duten ordezko medikuak kontratatzen jarraitzen du baita UEMAko herrietarako ere.

» Algortako musika eskola publikoko ikastaroak elebidunak izanik, ia dena gaztelaniaz egiten dela salatu da.

» Osakidetzak Barakaldoko ikastetxe batean eskainitako tailer sexu-afektiboa gaztelania hutsean egin da.

» Osasunbideatik harremanetarako euskara hautatua duten herritarrei ere SMS mezuak gaztelaniaz bidaltzen jarraitzen da.

» Euskotreneko telefono zerbitzutik gaztelaniaz egiteko eskatu zaio herritar bati.

» Gasteizko Erdi Aroko Azokan euskaraz duen presentzia urria salatu dute.

» Bernart Etxepare ikastetxean guraso bilera gaztelania hutsean egiten da eta ez da informazioa euskaraz zabaltzeko aukerarik eman, gurasoek hala eskatu arren.

» Bilboko Justizia Jauregiko Epaitegi Dekanoko erregistroan ez da euskarazko arretarik bermatzen.

» Irungo Udaleko gazteriako teknikari izateko elkarrizketak gaztelaniaz egiten direla salatu dute.

» Nafarroako Gobernuak euskararen ezagutza kontuan hartzen ez duten deialdiak egiten jarraitzen du.

» Erakunde publiko ezberdinek gaztelania hutsean jarri dituzte iragarkiak gaztelaniazko prentsan.

» Ostalaritzako hainbat enpresek webgune eta sare sozialetan ez dute euskararen presentzia edo erabilera bermatzen.

» Gasolindegi, parking zein kotxe elektrikoak kargatzeko makina ezberdinetan ez dago euskara hautatzeko aukerarik edo euskarazko mezu ulergaitzak daude.

 

ZORIONTZEAK:

» Iruñeko Arrotxapea auzoko Unide supermerkatuari, errotulazioa euskaraz jartzeagatik.

» Getxoko Solaguren jatetxeari, denbora osoan musika euskaraz jartzeagatik.

» Iruñeko Bodegón Sarriá tabernako langileei, euskaraz jakin ez arren ahalegina egiteagatik.

 

LORPENAK:

» Gipuzkoako Atletismo Federazioak webgunea euskaraz ere ezarri du.

» Hurrengo deialdietan Ikusmira Berriak proiektuak euskaraz ere aurkeztu ahal izango dira.

» Osakidetzak osasun zentroen zerrenden dokumentuak euskaraz ere atera ditu.

» Nafarroako Hezkuntza Departamentuak Haur Hezkuntzako ongizate emozionalarekiko materiala euskaraz ere zabaldu du.