Urriko aipagarrienak

URRAKETAK

» Appleren gailuak ez daude euskaraz eskuragarri (berriki jarri duen euskarazko teklatuari funtzionalitateak falta baitzaizkio).

» Bilboko Intermodaleko La Unión autobus-enpresaren leihatilan ez dute euskaraz artatzeko gai den inor.

» Lizarran hiri-kontribuzioko agiriak gaztelania hutsean jaso direla salatu da.

» Durangoko jaietan, barraketako musikan eta ekintzetan euskararen presentziarik eza salatu da.

» Getxoko Bidezabal osasun-etxean artatu duten hiru profesionalek gaztelaniaz egin diotela salatu du herritar batek.

» Bilboko itsasadarretik bidaiak antolatzen dituen Bilboats enpresak ez du bidaiak euskaraz egiteko aukerarik eskaintzen.

» Movistar+ek ez zuen Realaren futbol-partida euskaraz eskaini, nahiz eta horretarako sei hizkuntza-aukera izan.

» Leioan ospatu zen gimnastika-txapelketako ekitaldiko kartelean eta bertan emandako azalpenetan euskararen presentzia anekdotikoa izan zela salatu da.

» Renfek Gasteizko geltokiko megafonia-oharrak gaztelania hutsean zabaldu ditu, eta leihatiletan ez da arreta euskaraz bermatzen.

» Barakaldoko Decathlon merkataritza-zentroan paisaia linguistikoaren % 99 gaztelaniaz dagoela salatu da.

» Nafarroako Kultura, Arte eta Pentsamenduaren Nazioarteko Topaketetan euskarak izan duen presentzia txikia salatu da, bai eta aldibereko itzulpenak gaztelaniaz eta ingelesez izan direla ere.

» Urdulizko Probalekuan egin zen Crossfit eta herri-kirolen txapelketako (CFHK) ekitaldi osoa gaztelaniaz izan zen.

» Zeleris banaketa-enpresak atzera bota dio herritar bati jaso behar zuen paketea, NANaren zenbakiak euskaraz esateagatik.

» Bilbon egiten den Open House arkitektura-jaialdiko bisita gidatu guztiak gaztelaniaz egiten dira (nahiz eta boluntario eta bisitari ugari euskaldunak izan).

» Alzola uraren etiketetan ez da euskararik.

» Gurutzetako Ospitalean artatu zuten mediku espezialista eta bi erizainek ez zekitela euskaraz salatu du herritar batek.

» Amazonek paketeak jasotzeko dituen kutxatiletako pantailak ezin dira euskaraz erabili, baina bai, adibidez, katalanez.

» Bilboko Arte Ederren Museoaren irekiera-ekitaldian zein ondorengo bisitetan egon diren komunikazio-arduradunek eta segurtasun-langileek euskaraz ez dakitela salatu dute herritarrek.

» UGT sindikatuak EHUko langileei bidaltzen dizkien dokumentuak gaztelania hutsean daude (eta hala adierazten dute haien mezu elektronikoetan).

ZORIONTZEAK

» Azpeitiako Zainduz kirol-zentroa, sare sozialetako eduki guztia euskaraz izateagatik.

» Alkizako Herriko Ostatua eta Lete Landetxea, euskaraz artatzeagatik.

» Arbizuko kiroldegiko taberna, irekiera iragartzean eta zerbitzuen eskaintza egitean euskara kontuan izan dutelako.

LORPENAK
» Erandioko Udalak zenbait seinaletan euskarazko hitzak txertatu ditu.

» Donostiako Ospitaleko kafetegiko tiketak euskaraz ere aterako dituzte.

» Lasarte-Oriako jatetxe batek karta euskaraz ere eskainiko du.

» Izenpeko ziurtagiria berritzeko fakturan kontzeptu guztiak euskaraz jarri dituzte.