Iraileko aipagarrienak

URRAKETAK

» Nafarroako Hezkuntza Departamentuko orientatzaileentzat departamentutik egiten dituzten bilerak eta banatzen duten materiala gaztelania hutsean izaten direla salatu dute.

» Zierbenako hondartzako surf-txapelketan esatariak gaztelania hutsean hitz egin zuen.

» Urruñako Herriko Etxeko eskolen hautetsiak mezu idatziak frantses hutsean bidaltzen dizkie heziketa-zentroei.

» Bilboko BilbaoBizi zerbitzuaren telefono bidezko arreta euskaraz hautatu arren, gaztelaniaz erantzun diote herritar bati.

» Kanboko Herriko Etxearen eraikina den Villa Arnagako sarrerako langileek euskaraz ez dakitela salatu da, baita triptikoak gaztelaniaz ematen dituztela ere.

» Bilboko Gizarte Segurantzaren bulegoetan gaztelaniaz hitz egiteko eskatzen zaie herritarrei.

» Irulegiko Eskuaren bisita gidatua euskaraz behar bezala bermatzen ez dela salatu du herritar batek.

» Gasteizko DIA supermerkatuetan seinaletika guztia gaztelaniaz dago.

» Donostiako Amara auzoko osasun-etxeko harreran “en castellano por favor” erantzun diote herritar bati.

» Bizkaibuseko 2324 linean, autobusa geldiarazteko jarraibideen kartela sei hizkuntzatan jarri dute; euskaraz ez, ordea.

» Euskara hautatu arren, eduki guztia gaztelaniaz ageri da Iruñeko Andres Muñoz Garde Hezkuntza Bereziko Eskola Publikoaren webgunean.

» Bilbon, Kutxabankeko bulego batean, gaztelaniaz egin behar izan du bezero batek, leihatilako bi langileek euskaraz ez zekitelako.

» Iruñeko Carlos III  aparkalekuan seinaletika guztia gaztelaniaz eta ingelesez dago; euskaraz ez, ordea.

» Amurrioko haurren futbol-txapelketan, bozgorailuetako mezuak eta garaikurretako testuak gaztelaniaz izan zirela salatu da.

» Errenteriako Lartzabal osasun-etxeko harreran, herritar batek ezin izan du euskara erabili.

» JYSK edo Clarel enpresen saltokietan seinaletika guztia erdara hutsean dagoela salatu da.

» Irailean ere erdaraz hitz egiteko eskatu zaie herritarrei hainbat denda eta tabernatan.

 ZORIONTZEAK

» Barakaldoko Iraupen osteopatia- eta masaje-zentroa, euskaraz artatzeagatik.

LORPENAK

» Irungo Udalak neurriak hartu ditu Bidasound jaialdiaren webgunea euskaraz ere jartzeko.

» Kutxabankek neurriak hartu ditu, bere Bilboko bulego batean euskarazko arreta uneoro bermatuta egon dadin.

» Aiaraldeko Kuadrillak eta Durangoko Udalak neurriak hartu dituzte gaztelaniazko kartelak zuzentzeko.