Urtarrileko aipagarrienak

URRAKETAK

» Osakidetzaren gaixotasunak arakatzeko telefonotik ezin dezaketela euskaraz artatu adierazi diote harremanetarako hizkuntza gisa euskara hautatu duen herritarrari.

» Sare sozial zein webguneetatik gaztelaniazko mezuak soilik zabaltzen diren erakunde eta elkarteekiko kexak izan dira (Cinesa, Seur, Iruñeko Udaltzaingoa, Burger King, Leroy Merlin, Osasunbidean erreklamazioak egiteko webgunea…).

» Decathlon saltoki handiak gaztelania hutsean zabaltzen ditu Barakaldoko zentroko kartel, ohar eta megafoniako mezuak.

» Eroskiren online erosketekiko zalantzak argitzeko ez da euskara erabiltzeko aukera bermatzen.

» Sestao eta Barakaldoko ertzain etxeetan ez da euskarazko arretarik bermatu.

» Beran Foruzaingoaren kontrol batean euskaraz artatua izatea eskatzeagatik tratu desegokia salatu du herritar batek.

» Barakaldoko Megapark merkataritza-gunean gaztelania hutsean jartzen dituzte kartel eta mezu gehienak.

» Donostiko D-Bus zerbitzuan herritar bat iraindua izan da zerbitzua euskaraz eskatzeagatik.

» Zenbait erakunde publikotako segurtasun agenteek arreta gaztelania hutsean eskaintzen dutela salatu da (Metro Bilbao, IVAP…).

» Sestao-Barakaldoko ESIan haurdunaldirako prestaketa ikastaroak ezin dira euskaraz jaso.

» Hainbat lan deialditan euskararen ezagutza ez dela nahitaezkoa edo euskarak puntuatu ere ez duela egin (Nafarroa) salatu dute herritar ezberdinek.

 

ZORIONTZEAK

» Basauriko Calzados Juanitari, euskarazko arreta eskaini eta kartelak euskaraz jartzeagatik.

 

LORPENAK

» Gasteizen Lakuako gizarte etxeko “jarduera musikala egungo erritmoekin” kirol jarduerarekiko neurriak hartu dituzte eta euskaraz eskaintzen hasiko dira.

» Gure Pöke jatetxeetako webgunea euskaraz jarriko dute hurrengo hilabetean.

» Bizkaiko Foru Aldundiak N-240 errepideko seinaleak zuzendu eta euskaraz ere jarriko ditu.

» Gipuzkoako Atletismo Federazioak webgunea euskaraz ezartzeko eta entrenamenduetan euskararen presentzia areagotzeko konpromisoak hartu ditu.