Abuztuko aipagarrienak

URRAKETAK

» Isturitzeko kobetako bisita gidatua ezin izan zutela euskaraz egin salatu da.

» Vueling konpainiak Bartzelona-Bilbo hegaldietako oharretatik euskara ezabatu duela salatu da.

» EAEko espetxe batean euskaraz idatzitako Eusko Jaurlaritzako instantzia bati “españolez” idazteko erantzun diote herritar bati.

» MUFACEk euskarazko arreta eskaintzeko gaitasuna %10etik beherakoa dela erantzun du; katalanez eta galegoz, berriz, %80-90ekoa da.

» Gasteizko Decathlon dendan seinale guztiak gaztelaniaz daude.

» Donostiako Aste Nagusian, waterpolo-txapelketan esatariak gaztelaniaz soilik eman zituen azalpenak.

» AEMET Navarrak X sare sozialean gaztelania soilik erabiltzen du.

» Arabako Lautadako turismo-bulegotik gaztelania hutsean bidali diote herritar bati mezua.

» Iruñeko Bianako Printzea ospitalean finkoak ez diren errotulu eta oharrak gaztelania hutsean daudela salatu da.

» Kutxabank aseguruen idatzizko komunikazioa gaztelaniaz jaso duela salatu du herritar batek.

» Erabat trakets idatzita dago DGTk gidabaimenarekin batera bidaltzen duen gutuneko euskarazko informazioa.

» Gaztelania hutsean dago Gasteizko Aldi supermerkatuetako seinaletika.

» Donostiako Udalak antolatutako haurrentzako tenis-ikastaroa euskaraz eskaini arren, euskaraz ez dakiten begiraleak egon direla salatu da.

» Nicdoren posta elektroniko bidezko mezuak berariaz euskaraz eskatu ezean, gaztelania hutsean bidaltzen dituzte.

» “Gasteiz zinema hiria” zikloaren barruan eskainitako 9 filmetatik, 2 baino ez dira izan euskaraz; gainerakoak gaztelaniaz eskaini dira.

» Izenpe erakundetik gaztelaniaz erantzun diote intzidentzia euskaraz bideratu zuen herritar bati.

» EITBk Zeledonen jaitsierako programa gaztelaniaz emititu izana salatu da.

» Iruñeko Udalak, “Zinema gauak” programaren barruan, 17 film gaztelaniaz eta 5 film euskaraz eskaini zituen (6 auzotan ez zen euskarazko filmik eskaini).

» Gasteizko kirol eta gizarte etxeetako jardueren 2/3 gaztelaniaz eskaintzen direla salatu da.

» Donostiako taberna batean “si quieres que te atiendan en euskera, vete a otro bar”, erantzun diote herritar bati.

» Euskal Herriko hainbat denda eta enpresa txikitan euskararen presentziarik ez dagoela salatzen duten kexak izan dira.                 

ZORIONTZEAK

» Gasteizko Boga-Boga taberna, Berria egunkaria izateagatik.

» Iruñeko Maiteminduen pasealekuko estankoa, euskaraz artatzeagatik.