Azaroko aipagarrienak

URRAKETAK

» Lanbideren izenean egindako dei batean, euskaraz ez dakiela eta, gaztelaniaz erantzun behar duela esan dio herritarrari.

» Abadiñoko Euskaltel saltokiko karteldegia gaztelaniaz dago.

» MediaMarktetik bezero bati egindako deian gaztelania hizkuntza ofiziala dela eta Espainian gaudela erantzun diote.

» Barakaldoko kontsumo bonoa iragartzeko webgunearen euskarazko bertsioa erabat traketsa da.

» Espainiako Kultura Ministeriotik gaztelania hutsean heldu zaio gutuna herritar bati nahitaezko inkesta batean parte hartu behar duela esanez.

» EUDELetik greba batetako zerbitzu minimoen inguruko agindua gaztelaniazko bertsioan bidali dute.                 

» Ertzaintzak Sestaoko D ereduko ikastetxe batean gaztelaniaz egin du bullying-ari buruzko hitzaldia.

» Bergarako epaitegitik jakinarazpena gaztelaniaz helarazi eta herritarrak euskaraz nahi duela eskatu arren, berriro gaztelaniaz helarazi diote itzultzeko denborarik ez dagoela esanez. 

» Espainiako Gobernuaren katastroko web-orrian euskara ez da agertzen hizkuntza aukeren artean.

» Gipuzkoako Aldundiko ZergaBidea webgunean kontsulta euskaraz egin ostean azalpen guztiak gaztelaniaz eman dizkiote herritar bati.

» Iruñeko Udalak jakinarazpenak gaztelania hutsean bidali dizkie hainbat herritarri.

» Nafarroako Gobernuak arlo juridikoko 72 teknikari lanpostu betetzeko egindako deialdian euskararen ezagutza ez da nahitaezkoa izan, ez eta merezimendu ere.        

»  Los 40 Euskadi irratiaren sare sozialetatik txio eta kartel guztiak gaztelania hutsean zabaltzen dituzte, baita Laboral Kutxaren babespeko asteroko euskal talde eta abeslarienak ere.

» Leitzako osasun etxeko larrialdietan herritar bat artatu duten 2 medikuek ez zekiten euskaraz.

» Zizur Nagusiko osasun etxeko telefono sistematik euskaraz artatua izateko aukera kendu dute.

» Osakidetzak azpikontratatutako Asunción Klinikako oftalmologoa ez zela euskalduna eta ez zitzaizkiola hizkuntza eskubideak errespetatu salatu du herritar batek.

» Zarauzko osasun etxeko traumatologia arloko medikuak gaztelaniaz egiteko eskatu dio herritar bati euskara ulertzen ez zuelako.

» Basurtuko ospitalean pediatrak ez zuela euskara ulertzen salatu du herritar batek.

» Zarauzko azterketa psikoteknikoak egiteko bulegoan herritar bati euskarazko arreta ukatu diote.                      

» Tolosako Aukera Janak izeneko etxez etxeko janari-banaketa egiten duen enpresak eta La Toskana jatetxeak eskaintza gaztelania hutsean zabaltzen dutela esanez kexak izan dira.

» Baionako Baignade aparkalekuko ohar guztiak frantses hutsean daude eta ordaintzeko makinan ere ezin genezake euskara erabili.

» Iruñerriko Mankomunitateak komunikazio eta sentsibilizaziorako arduradun lanpostua euskarazko hizkuntza eskakizunik gabe argitaratu du.

» Desgaitasunaren balorazioa egiteko Gipuzkoako Aldunditik bidali duten Ikigaia zentroko medikuak eta langile sozialak ez zekitela euskaraz adierazi du herritar batek.

 

ZORIONTZEAK

» Sibari Republic kosmetika enpresari, promozio guztietan euskara txertatzen duelako (esku-orriak, sare-sozialak, webgunea…)

» Bilboko Emeki Kafeaki, euskaraz errespetuz artatzeagatik eta egiten duten ahaleginagatik.

 

LORPENAK

» Portugaleteko Udalaren aparkalekuak gestionatzen dituen enpresak aldaketak egin ditu ordainketa makinetan euskara erabiltzeko aukera bermatuz.

» Arabako Aldundiak gazteei zuzendutako Lurrikara programako sare sozialetako argitalpenetan neurriak hartu ditu euskarazko informazioa zabaldu eta euskarari lehentasuna emateko.

» Deustuko Unibertsitateko DIRS (Deusto International Reserch School) unitateko webguneko informazioa euskaraz ezarri eta emailak euskaraz ere bidaltzeko neurriak hartuko dira.