Maiatzeko aipagarrienak

URRAKETAK

» CPIE Euskal Itsasbazterra / Littoral Basque erakundetik mezuak frantses hutsean igortzen dituzte herritarrak berariaz mezuak euskaraz nahi dituela adierazi arren.

» Lanbide Heziketa Berezian Nafarroa osoko euskarazko eskaintza bakarra dagoela salatu dute: Baztanen.

» Gasteizko Udalaren lan-deialdietako azterketaren euskarazko eredua akatsez josita egon dela salatu dute. Bozgorailutik euskaraz zabaldutako oharrak ere ez dira zuzenak izan).

» Bilboko Erregistro Merkantilean arreta euskaraz jasotzea ezinezkoa dela salatu dute.      

» Correosen Mungiako bulegoan modu desegokian erantzun diote herritar bati arreta euskaraz eskatzeagatik.

» Euskalteletik bezero berriak lortzeko kanpainaren baitan jasotako deian “Sí, claro, y la compañía que tienes ahora te atiende en euskera, ¿no?” erantzun diote herritar bati.        

» Toyota kontzesionarioek arreta baloratzeko inkesta 42 hizkuntzatan dute, euskaraz ez.

» Decathlonen Barakaldoko dendan arreta euskaraz eskatu ondoren, langile guztien artean ez zegoela euskaraz zekien inor erantzun zioten herritar bati.

» Espainiako Meteorologiako Estatu Agentziaren eguraldia kontsultatzeko mugikorreko aplikazioa ezin da euskaraz jarri.

» Bilboko Intermodaleko informazio gunean zegoenak ez zekien euskaraz.

» Espainiako Poliziaren VIDOC nortasun agiria eta pasaportea berritzeko herriz herri ibiltzen den furgonetan euskarazko arreta ez dela bermatzen salatu dute.

» Herritar batek Lekeitioko Udaltzaingora deitu du eta telefonoa hartu duenak gaztelaniaz erantzun du; euskara ondo ulertzen ez zuenez, gaztelaniaz aritu behar izan du.

» Herritar batek Quirónsalud osasun zentroan ezin izan du mediku azterketa euskaraz pasatu; medikua ez zen euskalduna eta langileen euskarazko galdetegiak akats larriak zituen.

» Amurrioko komertzio gehienen paisaia linguistikoa ez dela euskaraz salatu dute.    

» Bilboko Txurdinaga auzoko kiroldegian ezin izan dute arreta euskaraz jaso.   

» Iberdrolak legeak ezarritako Nafarroako eremu euskaldunean ere oharrak gaztelania hutsean ezarri ditu. 

» Irungo epaitegietan ez da arreta euskaraz bermatzen herritarrak berariaz eskaera egin arren, eta jakinarazpenak zein herritarren abizenak gaztelaniaz idazten dituzte.

» Eusko Jaurlaritzako Hezkuntza Sailak udan atzerrira joateko beken inguruan antolatutako gurasoentzako bilera gaztelaniaz izan da. 

» Diario de Getxoren webgunea eta sare sozial guztiak gazteleraz bakarrik daude publikatuta.     

» Forum Sportek emailak eta inkestak gaztelania hutsean bidali dizkie bezeroei.

» Gernika-Lumoko Udalak bost bakarrizketa saio antolatu ditu, guztiak gaztelaniaz (eta guztiak gizonezkoenak).

» Barakaldoko KZgunean euskarazko ikastaroen eskaintza hutsaren hurrengoa dela salatu dute.

 

ZORIONTZEAK

» Txondorra Elkarteari, ETB2n gaztelaniaz egiteko eskatu arren, euskara babestu eta defendatzeagatik. Azkenean ez zieten tarterik eskaini euskara erabili nahi izateagatik.

» Doneztebeko Erreka Kirol Elkarteari, asteburuko ospakizunetan euskarari behar duen tokia eman ziolako.

» Dindaia Fundazioari, hezitzaile titulu ofiziala euskaraz egiteko aukera eskainiko duelako.

 

LORPENAK

» EAEko Hezkuntza Sailak neurriak hartu ditu Gasteizko ikastetxe bateko langile baten baja ordezkatzeko postua betetzen duen pertsonak euskararen ezagutza izaten jarraitu dezan.

» Nafarroako Arartekoak neurriak hartu ditu Departamentuen erantzunak herritarrek euskaraz jaso ditzaten.

» Arabako Foru Aldundiaren liburutegi baten auto-mailegurako makina euskaraz lehenetsita konfiguratu da.