Martxoko eta apirileko aipagarrienak

URRAKETAK

» Ostalaritzako hainbat negoziotan menua eta kartelak gaztelania hutsean aurkitu dituzte herritarrek.

» Osakidetzan euskarazko arreta nahi dutela adierazita izan arren, pazienteei ez zaie euskarazko arreta bermatzen hainbat kasutan.

» Zinema batzuetan euskaraz dauden filmak gaztelania hutsean eskaintzen dira.

» Bilboko Udaleko udaltzaingoetara deitzean gaztelaniaz egin beharko duela esan zaio herritarrari.

» Iruñeko Udalak sail batzuetan ez du euskarazko arreta telefonikoa bermatzen.

» Osasunbideako zentro batzuetan ez dago euskarazko euskarririk tramite batzuk egin ahal izateko.

» Errenta aitorpena egiterakoan Bizkaia zein Nafarroan euskarazko zerbitzu osoa berdintasunean jaso ahal izateko arazoak daude.

» Lanbidek antolatutako ikastaro gehienak gaztelania hutsean izaten dira.

» Hiri Elkargoko harrera zerbitzua frantsesez soilik eskaintzen dute.

» Hego Lapurdi lurralde eremuko bulegoetara deitzean, erantzungailuak frantses hutsean dituzte.

» Streaming plataformetan euskarazko aukerarik ez dago, ez eta kasu askotan euskarazko audio aukerarik ere.

» Banketxe batzuetan ez dira bezeroen hizkuntza-eskubideak behar bezala bermatzen.

» Ertzaintzarako oposaketa probetan hautagaiek ez dute proba psikoteknikoak euskaraz egiteko aukerarik.

 

LORPENAK

» Hernaniko kaperako kartelak eta larrialdietarako oharrak euskaraz ere jarri dituzte.

» Durangoko osasun etxeko kartelak elebitan jarri dira.

» Bilboko T.A.O. zerbitzuko jakinarazpenetan harremana euskaraz nahi duten herritarren eskubideak bermatzeko neurriak hartu dituzte.

» Erandioko Udalak jakinarazpena bidali die langile eta arduradun politiko guztiei euskara plana behar bezala bete dezaten.

 

ZORIONAK/ESKER ONAK

» Itsasuko Herriko etxeko harrerako langileari esker ona euskaraz artatzeagatik.