Abenduko aipagarrienak

URRAKETAK

» Asunción klinikan ez da euskarazko osasun arreta behar bezala bermatzen.

» Espainiako Zerga Agentziaren webgunean hainbat hizkuntzatan kontsultatzeko aukera dago; euskaraz, aldiz, ez.

» Renferen Donostia-Bartzelona bidaietan ingelesez eta katalanez ematen dute informazioa; euskaraz, aldiz, ez.

» Santurtziko Garbigunean ez dute euskarazko arretarik eskaintzen.

» Barakaldoko San Bizente osasun zentroan “si no me hablas en castellano, no te voy a atender” erantzun diote erabiltzaile bati.

» Laudion, Gabonetako argiak pizteko ekitaldian, euskararen presentzia agurretara soilik mugatu dute.

» Nafarroako Foruzaingoak sare sozialetatik mezuak gaztelania hutsean zabaltzen jarraitzen du.

» Gizarte Segurantzak Nafarroan euskara ofiziala den herrietara ere gutunak gaztelania hutsean bidali ditu.

» Decathlonek kartelak gaztelania hutsean jartzen ditu dendetan.

» Barkaldoko San Eloy ospitalean ez da euskarazko arreta bermatzen.

» Antsoaingo Udalak abenduko kultur jarduerak gaztelaniaz eskaini ditu.

» Nafarroako Bertsolari Txapelketan, Nafarroa Arenan, taberna eta segurtasun-zerbitzuetan ezin zen euskarazko arretarik jaso.

» Gasteizko Boulevard merkataritza-guneko sare sozialetatik ia mezu guztiak gaztelania hutsean zabaltzen dira.

» EAEko Hezkuntza sailburuordeak eskainitako bilera informatiboa gaztelania hutsean izan zen.

» Basauriko McDonald’s-ean hizkuntza-paisaia, tiketak… dena gaztelania hutsean dute.

» Gasteizko Udalak eskaintzen dituen euskarazko hainbat jarduera gaztelaniaz aurrera eramaten direla salatzen dute herritarrek.

 

ZORIONTZEAK

» Iztueta esnekiei, bere eslogana euskaraz ezartzeagatik.

» Abakia markako pasta-enpresari, euskaraz etiketatzeagatik.

» Doneztebeko Santa Maria jatetxeari, euskaraz artatzeagatik.

 

LORPENAK

» Zubilan enpresa publikoak gaztelania hutsean egindako lan deialdia zuzendu du.