Apirileko aipagarrienak

URRAKETAK

» Baionako Herriko Etxetik gutuna bidali diete herritarrei Tourra igaroko denez karrikak moztuko dituztela azalduz, guztia frantses hutsean.

» Osakidetzan mediku batek bere pazientearen mediku txostenean euskara erabiltzeagatik kontrako mezuak jaso dituela salatu du.

» Osasunbideak proben emaitzak gaztelania hutsean bidaltzen jarraitzen ditu herritarrek komunikazioa euskaraz nahi dutela adierazita eduki arren.

» Irungo udaltzain bat NAN zenbakia euskaraz ulertzeko gai ez dela izan salatu dute.

» Bilboko Alondegiko zinema-aretoetako tiketak erdara hutsean ematen dituzte.

» Gipuzkoako Foru Aldundiaren Kultura bulegoak kultura eragileei zuzendutako saioa gaztelaniaz izango zela iragarri zuten.

» Nafarroako Unibertsitatearen museoko webgunea gaztelaniaz eta ingelesez dago, baina euskaraz ez.

» 'Amama' filma euskaraz ekoitzia dagoen arren, Netflixen ez dago euskaraz ikusgai.

» Gipuzkoan odola ematera joaterakoan, euskaraz erizain guztiek euskaraz bazekiten ere medikuak ez zekien (odola eman daitekeen jakiteko, bere kontsulta nahitaezkoa da).

» Bilboko autobus geltokiko informazio gunean ez da beti bermatzen euskarazko arreta.

» Garbera merkataritza gunean euskarak duen aitortza eza salatu dute. Webgunean ere euskara erabat traketsa da.

» Via T Bip&Driven ezin da euskara erabili.

» Nafarroako Gobernuko Ogasun departamentutik gutuna gaztelaniaz jaso du euskara ofiziala den eremuko herritarrak.

» Donostiako udaltzaingoan, euskaraz artatu arren, salaketa eta agiriak gaztelaniaz eskaini zaizkiola salatu du herritar batek.

» Bi supermerkatu kate handik bezeroei zuzendutako inkestak gaztelania hutsean helarazi dituzte.

» Hezkuntzako Bizkaiko Lurralde ordezkaritzarekin harremanetan gaztelania erabili behar izan duela salatu du herritar batek.

» Triodosbankek ez die bezeroei euskarazko informazioa eskaintzen.

» Herritarrek ostalaritzako negozio batzuetan euskara erabiltzeagatik erantzun txarrak jasotzen dituztela salatzen jarraitzen dute.

 

ZORIONTZEAK

» Agour gasnategiari, Bordelen duen establezimenduan euskarari egiten dioten lekuagatik.

» Bilboko Palacio Arana tabernari, euskaraz artatzeagatik.

» Telpark enpresari, app-a euskaraz erabilgarri jartzeagatik.

 

LORPENAK

» Ordizian ireki berri duten Alcampo dendan gaztelaniaz zegoen karteldegia aldatu dute.

» Barakaldoko Udalak neurri batzuk hartuko ditu udaltzainen zerbitzuak euskaraz eskaintzeko pauso batzuk emanez.

» Basurtuko ESIan koloneko minbizia detektatzeko proben emaitzak euskaraz helarazteko neurriak hartu dituzte.

» Bizkaibusen Durangaldeko emakiduna den enpresari arreta elebiduna bermatzeko neurri zuzentzaileak eskatuko zaizkio.