Maiatzeko aipagarrienak

URRAKETAK

» Tagliattela jatetxeetan karta ingelesez, frantsesez eta gaztelaniaz dute, baina euskaraz ez.

» Zabalgana gizarte etxeko haur eta gazteentzako eskaintzan 14 ekimen egin dira gaztelaniaz, 1 ele bitan eta bakarra euskaraz.

» Zaballako espetxean funtzionarioak euskaraz jakin arren, gaztelania egitera behartu izan dituzte preso dauden pertsonak.

» Espainiako Gizarte Segurantzaren Institutu Nazionalaren egoitza elektronikoaren bidez adingabearen jaiotza eta zaintzari lotutako prestazioa ezin izan dute euskaraz tramitatu.

» Nafarroako Gobernuko idazkaritza eta araugintza ataletik elkarteei gutunak gaztelania hutsean bidaltzen dizkiete.

» Osakidetzan euskaraz ez dakiten profesionalek herritarren hizkuntza hautua baldintzatzen jarraitzen dute.

» Azpeitiako eskualdeko Hauteskunde Batzordetik mezuak gaztelania hutsean bidali dira.

» Eugiko kontzejuaren webgunean euskara hautatu arren gaztelaniaz dago dena.

» Galdakaoko Haurren Psikiatria Unitatean ez diote euskarazko arreta bermatu haur bati.

» Eguesibarko musika eskolan ez da euskarazko eskaintzarik egiten udal ordenantzak egin beharko dela aipatu arren, eta kirol eskaintza gehiena ere gaztelaniaz eskaintzen da.

» Kirol talde ezberdinek euskara kontuan hartu ez dutela salatu dute.

» Donostiko epaitegietatik gaztelania hutsean bidali dituzte gutunak.

» Hainbat alderdi politikok gaztelania hutsean helarazi dute hauteskundeetako propaganda.

 

LORPENAK

» Gipuzkoako Foru Aldundiak erretiro baimena kudeatzeko duen telefonoan aldaketak egin dituzte lehen hitza euskaraz izan dadin.

» Eibarko kaleetan gaztelania hutsean zeuden hainbat kartel zuzendu dira.

» Euskadiko Automobilismo Federazioak zuzenketak egin ditu bere webgunean euskarari tokia eginez. 

 

ZORIONTZEAK

» Memoriam Sport Antsoaingo garagardotegiari, euskarazko arreta eskaintzeagatik.