Urriko aipagarrienak

KEXAK

» Gasteizko zenbait udaltzainek euskaraz artatzeko eskatzean, “No, nosotros solo en español” bezalakoak erantzun dituzte.

» Hendaiako Abadia jauregian ezin izan da bisita euskaraz egin.

» Nafarroako liburutegien programazioan, 61 jardueratatik 4 soilik izan dira euskaraz.

» Osasun-etxe ezberdinekiko kexak izan dira, arreta euskaraz eskatu arren gaztelaniaz jaso behar izan dutelako. San Eloi ospitalearekiko ere kexak izan dira ez delako euskarazko arreta bermatzen.

» Osasunbideak SMS mezuak gaztelania hutsean bidaltzen jarraitzen du.

» Euskotreneko segurtasun-zaindariek ez dute euskarazko arretarik bermatzen.

» Forum Sport enpresaren webguneak oraindik ez du euskarazko aukerarik eskaintzen.

» Euskadiko Automobilismo Federazioaren webgunea gaztelania hutsean dago.

» Zine Ikusezina Bilboko jaialdian eta Donostiako Fantasiazko eta Beldurrezko Zinemaren Astean euskarazko eskaintza oso urria da, bai jatorrizko bertsioetan zein azpidatzietan.

» Iberdrolak ez ditu zerbitzu guztiak euskaraz bermatzen.

» Nafarroan Decathlon edo Aldi bezalako merkataritza-kateek ez dute euskara kontuan hartzen.

» Zubiri-Iruñea lasterketan, ohar eta informazio guztia gaztelania hutsean zabaldu zen megafoniatik.

 

ZORIONTZEAK

» Artaza-Urederra kanpinari, euskarazko arreta eskaintzeagatik.

» Gasteizko La Gandula tabernari, menua euskaraz ere eskaintzeagatik.

» Nafarroako Bodegas Emilio Valeriori, botilen etiketetan euskarazko informazioa eskaintzeagatik.

 

LORPENAK

» Garesen Correosek gaztelania hutsean bidalitako jakinarazpen oharrak zuzendu eta ele bitan jarri ditu.

» Osakidetzak odol-emaileen APPan informazio guztia euskaraz erabilgarri izateko aldaketak egingo ditu.

» Lanbidek sare sozialetatik komunikazio guztiak ele bietan helaraziko ditu, euskarazko bertsioari lehentasuna emanez.

» McDonaldsek EAEko establezimenduetan pantailak euskaraz gaitzeko neurriak hartuko dituela jakinarazi du, eta, kontsumitzaileak euskara hautatuz gero, tiketak zein fakturak ere euskaraz izango dira.

» Loiuko aireportuko fakturazio-zintetako oharrak zuzendu dira.

» Realak sarrerak eskuratzeko webgunea euskaraz berriz gaitzeko neurriak hartu ditu.

» Bihotz kardiologia zentroak webgunea euskaraz gaitzeko neurriak hartuko dituela jakinarazi du.